<?xml version="1.0" encoding="UTF-8"?><song><hymn_number>133</hymn_number>
<lyrics>[V1]
 Okla e puta pia kʋt
 Ʋba Pi̱ki pulla ka,
 Okla e puta pia mʋt
 Il aiokpahanchashke.

[V2]
 Ʋno sa fehna hokʋto
 Aiokpahanchi lashke:
 Ʋba A̱ki pulla hoka
 Sʋbbak a̱ ima lashke.

[V3]
 Si yakohmi hayak heto,
 Sa chu̱kʋsh pulla hoka,
 Ʋba ki pulla hoka,
 Mominchit ima lashke.

[V4]
 A̱ kanomi hʋchia ma!
 Ʋba yakni achukma
 Ia hosh anukfihinlit
 Yak o̱ hikia lishke.

[V5]
 Is siakaiya pullashke;
 Ʋba aiachukmaka
 A̱ya la chi̱ pulla hoke;
 Iloh itʋnowashke.

[V6]
 Chisʋs a binili yoka
 Iloh ia pullashke;
 Shakba pohloma pulla ma
 Eho foka pullashke.</lyrics>
<title>Okla e puta pia kʋt ƲIT133</title>
<time_sig>8.7.8.7.</time_sig>
<author>David Folsom</author>
</song>